FÍ E MI ƉE Ɔ
Maxi nu ɔ e nyí akɔta ɖé o ɖo Benin to ɔ mɛ. E nɔ mɔ ee ɖo kpɔnla sokanmɛ tɔ̌n mɛ o nɔ lɛ mɔ ee ɖo kpɔnla zu tɔ̌n mɛ. Ɖo sokanmɛ ɔ, ee ɖo totaligbé ní Agbomɛ toxó ɔ, o ɖo dogbó xa Togǒ to ɔ ɖo hwéyixɔ waji. Ɖo zanfɔn hwéji ɔ, Maxínu ɔ ee lɛ ɖo tɔ̌ ee é nɔ yɔ ɖo wɔ̌ kpan Dasa síin só ɔ ee tétíin. Ɖo Zú síin kpɔnla mɛ ɔ, ee ɖo Agɔnlín kanmɛ.
XVIIIe síin vivɔ nu wɛ Maxinu ɔ e sɔ axɔsu ɖu to ee tɔn ɖayi. Hwenu ee yévo ɔ ee ɖó kannumɔn nɔ ee xɔ wé ɔ, maxinu ɔ ee ji wɛ nukun ɖé tawun có bɔ acɛ kpa ní mɛwi tó yévo ɔ tɔn bɛ ɖo XIXe síin vivɔ nu. Agbomɛ xosu hwenɛ nu tɔ̌n wɛ ɖo ya doní ee wé kaka bɔ ee gbɔ o jɛ vo. Fié maxinu ɔ ee jɔ ɖé ɔ nɛ.
Kpɔnla ee mɛ e nɔ mɔn Maxinu ɔn ee ɖé ɔ ee ɖié : Savalu, Wɛsɛ-wɔgudó, Glazué, Dasa, Kovɛ, Zannyanado kpan Winxí kpan.
Ni mi yí tokpɔnlaví Kétu tɔn mɛ ɔ, Maxinú kpɛɖé ee lɛ ɖo tɔ̌n.
Sɛwa ma ɖɔ gbɛta MAXIGBE HWENUSU tɔ̌n ɖo zinkan tɔn ɖo tokpɔnla Dasa tɔ̌n mɛ, ɖo tokpɔnlavi Kpanwinya tɔn mɛ o ɖo toxovi Wémɛ tɔ̌n mɛ.
CONTACT:
Zíkan mitɔn: Kpawínya/Dasa
Alókan: +229 66 56 21 29
Fésibukú: ASSOCIATION MAXIGBE HWENUSU
E-mail: [email protected]
MƐ ƉÉÉ DO GESI
Sɛwa maɖɔ gbɛta MAXIGBE HWENUSU tɔ̌n jɔ ɖo 21 ayidosun 2021 ɔ tɔn ɖo Kpanwínya. Gbɛta ɔ ka nyi kplé kplé axɔsu mɔn do nà ma ɖo nuɖémɛ ɖé. E nɔ jɛ hun do nukɔn na yi Maxigbé ɔ tɔn ji gbɔn: Mawu xó ɔ tíimɛ do nɔnu gbé mɛ; nyɔ hwlan nyɔ xa; nukɔn na yí toviɔ é tɔn kpan wéma tɛmɛ tɛmɛ ɔ e hwlan do maxigbé mɛ kpan.
AKƆJÍJƐ
Mǐ jɛ akɔ xa gbɛta axɔsu mɔn do nà ma ɖo nuɖémɛ Wycliffe Bénin éé nɔ jɛ hun do nukɔn na yí tovi ɔ e tɔn ji gbɔn nɔnú gbé Benin to mɛ tɔ̌n ee ji ɔ.
